Eng arzon neftning qiymati deyarli 20 dollarga tushib ketdi
Neftning eng arzon navlari bir barrel (158,988 litr) uchun 20 dollargacha bo‘lgan qiymatga tushib ketdi. Bu haqda Bloomberg bergan ma’lumotlarga asosan “Gazeta.ru” xabar qilmoqda.
Meksikaning nefti 11 yillik davr ichida eng past ko‘rsatkichga tushib ketib, 28 dollardan arzonroq bo‘lgan qiymatga baholanmoqda. Uning narxi so‘nggi 18 oy ichida 73 foizga pasaydi.
Iroqda ishlab chiqariladigan neft Osiyoda 25 dollarga xarid qilinmoqda. Kanadaning g‘arbiy qismida, ayrim neft ishlab chiqaruvchilar o‘zining neftini 22 dollardan arzonroq bo‘lgan narxda sotmoqda.
Ta’kidlanishicha, jahon bozorida neftning ortiqcha taklifi kuzatilayotgan bir muhitda, uning narxi 2009-yilda sodir bo‘lgan jahon moliyaviy inqirozi vaqtidagi darajaga tushib ketgan.
Avvalroq Rossiya moliya vaziri Anton Siluanov 2016-yilda neftning narxi bir barrel uchun 30 dollargacha bo‘lgan qiymatga tushib ketish ehtimoli borligini ma’lum qilgan edi.
