Gonduras terma jamoasi va “Olimpiya” klubi himoyachisi Arnold Peralta La-Seyba shahridagi savdo markazi yonida otib ketildi, deb xabar qiladi “TASS”.
Dastlabki ma’lumotlarga ko‘ra, do‘stlari davrasida bo‘lgan 26 yoshli futbolchini o‘tib ketayotgan mototsikldan o‘qqa tutishgan. Politsiya departamentidagi manbaning ma’lum qilishicha, qotillik sodir bo‘lgan joydan kamida 9 ta gilza topilgan. Barcha o‘qlar ham aniq bo‘lmagan, lekin sportchining oldidagi kishilar yoki savdo markazining boshqa tashrifchilaridan hech kim jabrlanmagan.
Qotillik sabablari noma’lumligicha qolmoqda. Politsiya sodir bo‘lgan voqea yuzasidan Peraltaning yaqinlarini boxabar qildi.
O‘z faoliyati davomida Peralta “Olimpiya”dan tashqari Gondurasning “Vida” hamda Shotlandiyaning “Glazgo Reynjers” jamoalarida to‘p surgan.
24 marta Gonduras terma jamoasi safida maydonga tushgan Peralta 2014-yili Braziliyada o‘tkazilgan JChni jarohat tufayli o‘tkazib yuborgandi.
Izoh (0)