Xitoyda sodir bo‘lgan ko‘chki oqibatida halok bo‘lganlar soni 16 nafarga yetdi

Xitoyning Chjetszyan viloyatidagi qishloqlardan birida sodir bo‘lgan ko‘chki natijasida 16 kishi halok bo‘ldi, 21 kishi esa izsiz yo‘qoldi. Bu haqda Assoshieyted press agentligi ma’lumotiga tayanib, “RIA Novosti” xabar bermoqda.

Avvalroq halok bo‘lganlar soni to‘qqiz nafar ekanligi, 28 kishi yo‘qolgani haqida xabar berilgan edi.

Voqea Lishuy shahar okrugidagi Lidong qishlog‘ida sodir bo‘lgan. Tosh va loydan iborat oqim qishloqqa yoprilgan, 27 turar-joy ko‘chki ostida qolgan. Qutqaruvchilar shu paytgacha bir nafar insonni qutqarishga erishgan.