OAV: Parijdagi teraktlar sabab Eron prezidenti Fransiya va Italiyaga tashrifini bekor qildi

13-noyabr kechasi Parijda sodir etilgan turkum teraktlar sabab, Eron prezidenti Xasan Ruhoniy o‘zining Fransiya va Italiyaga bo‘ladigan tashrifini bekor qildi. Bu haqda 14-noyabr kuni IRNA agentligi bergan ma’lumotga asoslanib, “TASS” xabar bermoqda.

Eslatib o‘tamiz, 13-noyabr kechasi Parijning 10-okrugida joylashgan Le Carillon restoranida, “Stad de Frans” stadionida hamda Les Halles savdo markazida qator qurolli hujum va portlashlar sodir etildi.