AQShning Luiziana shtati Marksvill shahrida hibsga olish chog‘ida olti yoshli bolani otib qo‘yib, uning otasini yaralagan ikki politsiyachi qotillikda ayblandi, deya xabar bermoqda “TASS” mahalliy OAVlarga tayanib.
32 yoshli Derrik Stafford va 23 yoshli Norris Grinxaus marksvillik Kris Fyuning avtomobilini ta’qib etgan va uning mashinasiga qarata o‘t ochgan. Natijada Fyu ko‘p sonli jarohatlar oldi, uning yo‘lovchi o‘rindig‘ida o‘tirgan o‘g‘li esa olgan shikastlanishlaridan vafot etdi. Politsiyachilarda Fyuni qo‘lga olish haqida order bo‘lgan.
Hodisadan so‘ng politsiyachilar hibsga olindi. Ular qotillik va ikkinchi darajali suiqasdda ayblanmoqda.
Izoh (0)