Kreml Suriyadagi siyosiy tartibga solishni ayni paytda Rossiya havo-kosmik kuchlari tomonidan o‘tkazilayotgan terrorchilarga qarshi kurashda hukumat qo‘shinlarini qo‘llab-quvvatlash operatsiyasiga bog‘lash xato deb hisoblaydi. Bu haqda Rossiya prezidenti matbuot kotibi Dmitriy Peskov aytib o‘tdi, deb yozadi “TASS”.
U qator OAVlarning Suriya muxolifati vakillari Rossiyaning bunday xatti-harakatlari tufayli tartibga solish bo‘yicha muzokaralardan voz kechishga majbur bo‘layotgani haqidagi xabarlariga izoh berar ekan, nafaqat Rossiya, balki butun xalqaro jamoatchilik va Suriya rahbariyatining ham pirovard maqsadi siyosiy tartibga solish ekanligini qayd etdi.
Peskov havo-kosmik kuchlarning Suriyadagi operatsiyalaridan ko‘zlangan maqsad hukumat qo‘shinlarini terrorchilarga qarshi kurashda qo‘llab-quvvatlashdan iborat ekanligini yana bir bor ta’kidlab o‘tdi.
Izoh (0)