AQSh harbiy-havo kuchlarining ikkita C-17 harbiy-transport samolyotlari Finlandiya havo kengliklarini buzdi. Bu haqda, “Korrespondent.net” xabariga ko‘ra, Finlandiya Mudofaa vazirligi ma’lum qildi.
Ma’lum bo‘lishicha, samolyotlar Aland orollaridan janubroqda havo chegaralarini buzib o‘tgan. Dastlabki ma’lumotlarga ko‘ra, AQSh samolyotlari sharqdan uchib kelgan va Finlandiya havo kengliklarida taxminan 15 daqiqa bo‘lgan.
Hozirgi vaqtda mazkur holat yuzasidan tergov-surishtiruv harakatlari boshlangan. AQSh tomoni hozircha mazkur ayblovga nisbatan hech qanday munosabat bildirgani yo‘q.
Avvalroq, iyun oyida Finlandiya o‘z havo kengliklari Rossiya harbiy-havo kuchlari tomonidan buzilgani haqida ma’lum qilgandi.
Izoh (0)