Qozog‘istonda dollarning qiymati 240 tengegacha tushdi

20-avgust kuni ayirboshlash shoxobchalarida dollar 259 tengega ko‘tarilib ketgan bo‘lsa, 21-avgustning tush paytiga kelib uning qiymati 240 tengegacha tushib ketdi. Bu haqda “Nur.kz” xabar beradi.

Dollar qiymatining pasayishi deyarli barcha ayirboshlash shoxobchalarida kuzatilmoqda. Agar ertalab dollar 251—253 tengega sotilgan bo‘lsa, kunduzgi ikkilarga kelib u 241—242 tengega tushdi.

Pasayish trendi kuzatilayotgan Qozog‘iston birjasidagi savdolar valyuta bozoriga ta’sir ko‘rsatmoqda. Savdolarning ochilishida dollarning ko‘rsatkichi 249,6 tengedan iborat bo‘lgan bo‘lsa, birjaning kunduzgi sessiyasida uning qiymati 246,9 tengeni tashkil etdi.