Falastin prezidenti Mahmud Abbos mamlakatdagi siyosiy jarayon o‘nglanmayotgani tufayli yaqin oylar ichida iste’foga chiqishi mumkin. Bu haqda Al-Hayat gazetasiga tayanib, “TASS” xabar bermoqda.
OAV ma’lumotlariga ko‘ra, Abbos Falastin ozodligi tashkiloti (FOT) rahbariyatini saylash uchun Milliy kengash tuzish yuzasidan ko‘rsatma bergan. Davlat rahbarining yaqin safdoshi Soib Arikat uning vorisi bo‘lishi mumkinligi taxmin qilinmoqda.
Shu bilan birga, kuzatuvchilar Abbos Isroil tomonidan Falastin hududida manzilgohlar qurishni to‘xtatish, “ikki xalq uchun ikki davlat” loyihasini joriy etish masalalariga AQSh va Yevroittifoq e’tiborini qaratish uchun jo‘rttaga bunday xatti-harakatlarga qo‘l urayotgan bo‘lishi mumkinligini ta’kidlamoqda.
Izoh (0)