Rossiya va Eronning Suriya masalasidagi qarashlari yakdil ekani ma’lum qilindi

Rossiya hamda Eron tashqi ishlar vazirlari Sergey Lavrov va Muhammad Zarifi Moskvadagi muzokaralardan so‘ng, ularning mamlakatlari Suriya masalasida tutayogan yo‘l yakdil ekanini ma’lum qildi. Bu haqda “Yevropeyskaya pravda” xabar bermoqda.

Ikki vazir ham Suriyadagi mojaroga chetdan ta’sir o‘tkazishdan voz kechishga chaqirdi va suriyaliklar o‘z kelajaklarini o‘zlari hal etishlari, boshqa davlatlar esa bu jarayonni yengil o‘tishida ko‘mak berishi lozimligini ta’kidladi. Muzokaralar chog‘ida, shuningdek, yangi yadro reaktorlari qurilishi masalasi va ikki davlat o‘rtasidagi boshqa loyihalar muhokama qilindi.

Eslatib o‘tamiz, Lavrov o‘tgan haftada Suriya muxolifati vakillarini qabul qilgan, uning eronlik hamkasbi esa Suriya prezidenti Bashar Asad bilan uchrashgan edi.