Xitoylik milliarder va dunyodagi yirik IT-kompaniyalardan biri —Alibaba Group rahbari Jek Ma Gonkongdagi eng qimmat imoratni 193,5 million dollarga (1,5 milliard Gonkong dollari) sotib oldi. Bu haqda Hong Kong Economic Journal nashriga asoslanib, “RIA Novosti” xabar bermoqda.
Nashr ma’lumotlariga ko‘ra, milliarder Pik tumanidagi umumiy maydoni 919 kvadrat metr bo‘lgan uch qavatli binoni xarid qilgan. Eslatib o‘tamiz, Jek Ma 31,2 milliard dollar atrofidagi mol-mulk sohibi hisoblanadi.
Izoh (0)