Eron va “oltilik” o‘rtasidagi kelishuvda ko‘zda tutilgan uran boyitilishi ustidan nazorat Tehronning yadro quroli yaratish imkoniyatini chippakka chiqaradi. Bu haqda AQSh davlat kotibi Jon Kerri Vyetnamga rasmiy tashrifi chog‘ida ma’lum qildi, deya xabar berdi “TASS”.
Eron bilan kelishuv ma’muriyat tomonidan ko‘rib chiqish uchun Kongressga jo‘natildi. Qonun chiqaruvchilar 60 kun davomida hujjatni o‘rganib chiqishi hamda kelishuvni ma’qullash yoki aksincha, rad etishi lozim. Tehrondan Amerika sanksiyalarining olib tashlanishi, asosan, shunga bog‘liq.
Oldinroq AQSh prezidenti Barak Obama Kongress tomonidan kelishuv qaytarilgudek bo‘lsa, veto huquqidan foydalanish niyatida ekanini ma’lum qilgandi.
Izoh (0)