Nigina Abduraimova Bokudagi tennis turniri saralashini g‘alaba bilan boshladi

O‘zbekistonning birinchi raqamli tennischisi Nigina Abduraimova Ozarbayjon poytaxti Boku shahrida start olgan Baku Cup tennis turnirining saralash bahslarida ishtirok etyapti, deb xabar beradi “Olamsport.com”.

Turnirning mukofot jamg‘armasi 250 ming AQSh dollarini tashkil qiladi.

Saralash musobaqasining 6-raketkasi sifatida qayd etilgan Nigina ilk davrada rossiyalik Kseniya Likinaga qarshi kortga chiqdi. Bir soatu 16 daqiqa davom etgan uchrashuvda Abduraimova 6:3, 6:4 hisobida g‘alaba qozondi.

Endi Nigina asosiy to‘r musobaqasiga chiqishi uchun italiyalik Nastasya Barnettni mag‘lub etishi kerak.