Shveysariya politsiyasi britaniyalik qiziqchi Saymon Brodkinga Xalqaro futbol federatsiyalari (FIFA) rahbari Yozef Blatter ustidan sochilgan 600 dollarni qaytarib berdi. Bu haqda qiziqchining o‘zi The Telegraph nashriga xabar qildi.
Eslatib o‘tamiz, Saymon Brodkinga qarshi jinoyat ishi ochilgan. Tez orada u sud oldida javob beradi.
“Afsusku, ish jiddiy va meni sud qilishadi. FIFAdagi korrupsiya ishi bo‘yicha qamoqqa tushgan birinchi odam men bo‘lsam, juda kulguli bo‘ladi”, — dedi Brodkin.
Li Nelson taxallusi ostida chiqish qiluvchi shoumen FIFA rahbarining Syurixdagi matbuot anjumanini buzishga uringanidan keyin qo‘lga olingandi. Blatter jamoatchilik bilan aloqalar bo‘limi direktori bilan zalda paydo bo‘lganida qiziqchi sahnaga chiqdi va amaldorning ustidan pul sochib yubordi. Brodkin so‘zlariga ko‘ra, bu futbol bo‘yicha 2026-yilgi jahon chempionatini o‘tkazish istagidagi KXDRning porasi bo‘lgan.
Uni darhol FIFA rahbarining qo‘riqchilari qo‘lga oldi va qiziqchini zaldan olib chiqib ketdi. Keyinroq u politsiya qo‘liga topshirildi.
2014-yili Saymon JCh—2014 turniriga yo‘l olayotgan Angliya termasi samolyotiga chiqishiga bir bahya qolgandi. Oxirgi lahzalarda politsiya uni laynerga yo‘l olgan futbolchilar orasidan ajratib olgandi. 2013-yilda esa uni qo‘riqchilar qo‘lga olguniga qadar, Saymon Brodkin “Manchester Siti” futbolchilari bilan mashg‘ulot o‘tkazgandi.
Izoh (0)