Kim Chen In KXDRda aksilamerikacha targ‘ibot bilan qizg‘in shug‘ullanishni buyurdi

KXDRning milliy bayrami — Vatan ozodlik urushidagi g‘alaba kuni arafasida mamlakatda tarixiy muzey qurilishi yakunlandi, deya xabar bermoqda “TASS”.

Ekspozitsiya bilan tanishish uchun KXDR yetakchisi Kim Chen In keldi hamda “xalq va armiyani aksilimperialistik va aksilamerikacha ruhda tarbiyalash bilan qizg‘in shug‘ullanish” zarurligini aytib, bu “inqilob va mamlakat taqdirida katta ahamiyat kasb etishi”ni ta’kidladi.

U Koreya yarim orolidagi uch yillik qurolli nizo vaqtida AQSh amalga oshirgan “mudhish jinoyatlar”ni esga oldi. “Amerikalik imperialistlar bilan hisob-kitob qilish — burchimiz”, — dedi u.