O‘zbekiston kasaba uyushmalari Federatsiyasi Kengashi velosport bo‘yicha mamlakat terma jamoasi va sportchilarni tayyorlash markazlari uchun 157 dona velosipedlarni sotib oldi, deb xabar qiladi “Gazeta.uz”.
Velosport federatsiyasining mintaqaviy bo‘linmalari orqali Xorazm, Samarqand, Farg‘ona, Namangan va Sirdaryo viloyati olimpiya zaxiralari kolleji o‘quvchilari velosipedlardan foydalanishi mumkin.
Velosipedlar yana Respublika olimpiya zaxiralari kolleji, Qishki va murakkab texnik sport turlari bo‘yicha Respublika Oliy sport mahorati maktabi hamda O‘zbekiston davlat jismoniy tarbiya institutiga ham berildi.
O‘zbekistonlik sportchilar nufuzli musobaqalardan bir necha marta shohsupaga ko‘tarilgan. Joriy yildagi eng yuqori natijani Timur Gumerov Osiyo chempionatida qayd etdi. U chempionlik unvonini qo‘lga kiritishdan tashqari Rio-de-Janeyrodagi Olimpiada o‘yinlari litsenziyasi uchun muhim bo‘lgan reyting ochkolarini ham to‘pladi.
Izoh (0)