AQSh prezidentligiga nomzod bo‘lgan milliarder Donald Tramp nufuzli senator Jon Makkeynni omma oldida haqorat qilgani uchun kechirim so‘rashdan bosh tordi. Bu haqda “RIA Novosti” xabar berdi.
Janjal bir necha kun avval ro‘y berdi: saylovchilar oldidagi chiqishi chog‘ida Tramp Vyetnamda jang qilgan Makkeynni qahramon deya hisoblamasligini ma’lum qilgan va bunga sabab sifatida uning asirlikka tushganini ko‘rsatgan. “Men asirlikka tushganlarni qahramon deb hisoblayman”, — deya so‘zamollik qilgan milliarderdan ABC telekompaniyasi boshlovchisi uzr so‘rash-so‘ramasligini bilmoqchi bo‘lganida u “Mutlaqo”, — deya javob bergan.
Senatda qurolli kuchlar qo‘mitasini boshqaradigan senator Makkeyn o‘ziga nisbatan bo‘layotgan bu xurujlarni e’tiborsiz qoldirishni ma’qul ko‘rdi.
Izoh (0)