Avstraliyalik rassom Judi Magi Facebook'da “yomon so‘zlar”ni joylashtirgani uchun Abu-Dabida hibsga olindi. Endi uni mamlakatdan chiqarib yuborishga hozirlik ko‘rilmoqda Bu haqda “Tjournal.ru” xabar bermoqda.
30 yoshli Jodi 2012-yildan beri Abu-Dabida yashaydi. 2015-yil fevralida o‘zi istiqomat qiladigan hududda nogironlar uchun ajratilgan joyga qo‘yilgan avtomobilga ko‘zi tushgan Magi mashinani suratga oladi va Facebook'dagi sahifasida g‘azabga to‘la sharhlar bilan joylashtiradi.
Ayol garchi avtomobil raqamini bo‘yab tashlagan bo‘lsa-da, fuqarolardan biri uning ustidan sudga ariza berdi. Sudda ishni ko‘rib chiqish iyunda boshlandi, 12-iyulda esa ayol “boshqa odam haqida ijtimoiy tarmoqda yomon so‘zlarni yozishda” aybdor, deb topildi.
Birlashgan Arab Amirliklarida shu yil iyunidan boshlab Internetdagi haqorat kiberjinoyatga tenglashtirilgan. Buning uchun qamoq jazosi va jarimaga tortishlari mumkin.
Izoh (0)