Tailandda korrupsiya uchun o‘lim jazosi joriy etildi
Tailandning korrupsiyaga qarshi kurash haqidagi qonuniga kiritilgan yangi tuzatish ham mamlakat fuqarolari, ham chet elliklar uchun o‘ta katta miqdordagi korrupsiya holatlarida o‘lim jazosi berilishini ko‘zda tutadi. Bu haqda “RIA Novosti” agentligiga tayanib, “Novosti-Kazaxstan” xabar bermoqda.
Tailand qirolligining 1999-yildagi ushbu Qonuniga kiritilgan tuzatish 12-iyul, yakshanba kuni Royal Gazette nashrida e’lon qilindi va dushanbadan kuchga kirdi. Tuzatishga ko‘ra, Tailand, chet el davlatlari yoki xalqaro tashkilotlar amaldorlari korrupsiyaga yo‘l qo‘ygani uchun 5 yildan 20 yilgacha qamoqqa tortiladi va 100 mingdan 400 minggacha bat (13 ming dollar atrofida) jarima to‘laydi. Shunday jinoyatlar katta miqyosda amalga oshirilganda esa umrbod qamoq yoki o‘lim jazosiga hukm qilinadi.
