Kanadaning Saskachevan qirollik muzeyi xodimlari muassasa hojatxonasidan tashrifchilardan biri unutib qoldirgan o‘yinchoq ayiqchani topib oldi. Meduza yozishicha, ayiqchaga o‘z egasini topishda yordam berish uchun muzey eksponatlar bilan fotosessiya uyushtirdi. Unda ayiqcha go‘yoki, muzey bo‘ylab o‘z egasini qidirib yurgani aks etgan.
Hozircha ayiqchaning egasi topilganicha yo‘q. Muzey xodimlari uni to‘rt yoshlardagi bolakay o‘zi bilan olib yurganini esladi. Agar ayiqchani egasi olib ketmasa, muzey uni xayriya sifatida berib yubormoqchi.
Izoh (0)