Toshkent bozorlariga xorijlik investorlarni jalb etish uchun qulay sharoitlar yaratiladi
O‘zbekiston Respublikasi Prezidentining 2015-yil 28-apreldagi “Iqtisodiyotda xususiy mulkning ulushi va ahamiyatini oshirish chora-tadbirlari to‘g‘risida”gi qaroriga binoan, Toshkent shahrining 14 ta yirik bozori qo‘shimcha aksiyalar chiqaradi, deb xabar bermoqda “Review.uz”.
Qayd etilishicha, “Aviasozlar dehqon bozori” umumiy qiymati 799 million so‘mdan ortiq bo‘lgan har birining qiymati 1200 so‘mga teng 666 004 ta oddiy, egasi yozilgan aksiya chiqargan. Ikki yil ichida dehqon bozorlaridagi davlat ulushi 51 foizgacha qisqarishi rejalashtirilmoqda.
Hozirda davlat ulushi “Chorsu” universal savdo majmuasida 96,7 %ni, “Parkent” universal savdo majmuasida 92,9 %ni, “Chilonzor” universal savdo majmuasida 53,8 %ni, Yunusobod dehqon bozorida 94,9 %ni, Oloy bozorida 98,71 %ni, Qo‘yliq bozorida 85,7 %ni, Farhod bozorida 99,4 %ni, Sirg‘ali bozorida 95,5 %ni, Mirobod bozorida 96 %ni, “Eski Jo‘va” dehqon bozorida 78,5 %ni, “Navro‘z” dehqon bozorida 96,2 %ni, “Askiya” dehqon bozorida 96,2 foizni, “Aviasozlar” dehqon bozorida 88,7 %ni, Toshkent qishloq xo‘jaligi mahsulotlari ulgurji bozorida 93,2 foizni tashkil etadi.
