Buyuk Britaniya shahzodasi Garri harbiy xizmatni tugatdi

Buyuk Britaniya shahzodasi Garri 10 yildan ortiq davom etgan harbiy xizmatni yakunladi, deb xabar bermoqda Sky News. Kensington saroyi Garri uchun Birlashgan Qirollik Qurolli kuchlari safida xizmat qilish sharaf bo‘lganini ma’lum qilgan.

Yaqin uch oyni shahzoda Namibiya, Janubiy Afrika, Tanzaniya va Botsvanada ko‘ngilli sifatida o‘tkazib, reynjerlar safida fillar va karkidonlarni brakonyerlardan himoya qilmoqchi.

Armiyadan ketishi haqida fevral oyidayoq e’lon qilgan Garri professional harbiy bo‘lib, nufuzli Sandxerst akademiyasida o‘qigan va piyoda qo‘shin kapitani unvoniga ega. 2007−2008-yillarda Garri Afg‘onistondagi jangovar harakatlarda qatnashgan, keyin esa Avstraliyada xizmat qilgan.