Bugun,

  • USD 11095.31
  • RUB 173.84
  • EUR 10772.44

2015-yil 11-iyun kuni O‘zbekistonning Buyuk Britaniyadagi elchixonasi o‘zbek kinematografiyasini xalqaro maydonda targ‘ib qilish maqsadida “O‘zbekkino” Milliy agentligi bilan hamkorlikda Londonda “O‘zbek kinosi kuni” tadbirini uyushtirdi. Bu haqda “O‘zbekkino” Milliy agentligi rasmiy sayti xabar bermoqda.

Foto: uzbekkino.uz

Foto: uzbekkino.uz

“O‘zbekistonning Buyuk Britaniya va Shimoliy Irlandiya Qo‘shma Qirolligidagi Favqulotda va Muxtor Elchisi Otabek Akbarovning so‘zlariga ko‘ra mazkur madaniy-ma’rifiy tadbirdan ko‘zlangan asosiy maqsad mamlakatimizning bugungi farovon hayoti va xalqimizning milliy qadriyatlarini London jamoatchiligiga namoyish etishdan iborat edi”, — deyiladi xabarda.

Foto: uzbekkino.uz

Foto: uzbekkino.uz

London-Siti ishbilarmonlar markazida joylashgan Yevropa Tiklanish va Taraqqiyot Banki bosh qarorgohi kinozalida tashkil etilgan va 300 ga yaqin kino ixlosmandlari yig‘ilgan tadbirda rejissor Mirmaqsud Oxunov tomonidan 2008-yilda suratga olingan “Shabnam” badiiy filmi namoyish etildi.

Foto: uzbekkino.uz

Foto: uzbekkino.uz

“O‘zbekkino” MA mas’ul xodimi Asya Batrayevaning qayd etishicha davlat va xususiy kinostudiyalar hamkorligining yorqin namunasi bo‘lgan mazkur film O‘zbekistonda katta shuhrat qozonib, kassabopligi va internetda auditoriya to‘plash borasida yetakchi bo‘lgan.

Foto: uzbekkino.uz

Foto: uzbekkino.uz

Namoyishdan so‘ng tomoshabinlar film ijodiy guruhi vakillari bilan uchrashib, O‘zbekistonda kino san’atining joriy rivoji va istiqboli haqida ma’lumot oldi.

Foto: uzbekkino.uz

Foto: uzbekkino.uz

“Ushbu film dramaturgiya jihatdan sodda, unda o‘tkir syujet liniyasi yo‘q, albatta. Bizning qahramonlarimiz o‘zligini, sevgisini anglashga harakat qilib, oddiy insoniy baxtga erishishga intiladi. Bu kabi filmlarda asosiy konflikt yoshlarning tanlov erkinligi hamda ularning keksa avlod vakillari bilan munosabatlari hisoblanadi”, – deydi film rejissori Mirmaqsud Oxunov.

Izoh
Asosiy yangiliklar
Dunyo
AQSHda yana otishma! Virjiniyadagi bitiruv marosimida ikki kishi halok bo‘ldi
Qo‘ziqorin
Amerikalik ayol ikki oy ichida ketma-ket ikki marta lotereyada 1 mln dollar yutib oldi
Dunyo
Gaagada Ukrainaning Rossiyaga qarshi da’vosi yuzasidan tarixiy sud bo‘lib o‘tmoqda