Fevral oyida o‘ldirib ketilgan rossiyalik muxolifatchi Boris Nemsovning qizi Janna otasining nomi bilan fond tashkil etilishini e’lon qildi. Bu haqda “Novaya gazeta” xabar bermoqda.
“Janna Polshada marhum otasi uchun berilgan Freedom Award’ni qabul qilib oldi va Boris Nemsov fondi tashkil etilishini e’lon qildi”, - deb yozdi Nemsovning yaqinlaridan biri Ilya Yashin o‘z tvitterida.
Fond faoliyati aynan qaysi sohalarni qamrab olishiga Yashin aniqlik kiritmadi.
9-iyun kuni Janna Nemsova, bir qator tahdidlardan so‘ng, Rossiyani tark etgani ma’lum bo‘lgandi. Uning qayd etishicha, Rossiya hokimiyatini tanqid qilganlarning barchasi xavf-xatar ostidadir.
Janna Nemsova otasining o‘limi uchun siyosiy javobgarlikni Rossiya prezidenti Vladimir Putinga yukladi.
Eslatib o‘tamiz, siyosiy arbob Boris Nemsovni 27-fevral oqshomida Moskva markazida otib ketishgandi.
Izoh (0)