2016-yilda O‘zbekistonda sublimatlar (konservalangan oziq-ovqatlar) ishlab chiqarish boshlanadi, deya xabar bermoqda “Nuz.uz”. Rasmiy prognozga ko‘ra, sublimatlar ishlab chiqarish 2016-yildagi 180 tonnadan 2019-yilda 2300 tonnagacha ko‘payadi.
Bunday parametrlar 2015—2019-yillarda tuzilmaviy islohotlarni ta’minlash, ishlab chiqarishni modernizatsiya va diversifikatsiya qilish bo‘yicha chora-tadbirlar dasturi orqali belgilangan.
Dastur oziq-ovqat sanoati salohiyatini sublimatsiya, vakuumli qadoqlash, chuqur muzlatish va meva-sabzavot mahsulotlarini qayta ishlashning boshqa zamonaviy uslublarini keng o‘zlashtirish yo‘li bilan oshirishni ko‘zda tutadi.
Rasmiy ma’lumotlarga ko‘ra, Rossiyaning “Azimut Protsess” kompaniyasi “Jizzax” MIZda tez tayyorlanadigan mahsulotlar hamda qishloq xo‘jalik mahsulotlarini qayta ishlash (quruq mevalar)ga ixtisoslashgan ikkita korxona yaratishga 11,8 million dollar yo‘naltiradi.
Izoh (0)