Samsung kompaniyasi Marvel kinostudiyasi bilan hamkorlikda Galaxy S6 Edge smartfoni reklama roligini chiqardi, unda taniqli sportchilar, jumladan futbolchi Lionel Messi ishtirok etdi, deya xabar bermoqda TJournal.
To‘rt daqiqalik video umumiy nomi Assemble (“Yig‘ilish”) bo‘lgan to‘rtta seriyaning birinchisidir. U mashhur sportchilar, jumladan Lionel Messi, amerikalik futbolchi Eddi Leysi, gavayilik syorfingchi Jon Jon Florens va shveysariyalik velopoygachi Fabian Kanchellaru sirli yog‘du taratuvchi jomadonlarini qanday qilib topishini ko‘rsatib beradi.
O‘z jomadonini qo‘lga kiritgach, “Yig‘ilish”ning har bir a’zosi tabiatiga ko‘ra tahlil qilinadi va “Qasoskorlar” komiksi qahramonlaridan biriga qiyoslanadi. Masalan, Messiga Temir odam roli, Eddi Leysiga esa Xalk roli tegadi.
Rolikning yakuniy qismida “zaxiradagi” Qasoskorlar Marvel’ning original filmi qahramonlari kabi qahvaxonada uchrashib, shaurma tayyorlaydi, qahvaxona yerosti bazasiga olib boruvchi ulkan lift bo‘lib chiqadi.
Samsung smartfonlari egalari Assemble’ning Gear VR virtual reallik ko‘zoynaklariga mo‘ljallangan maxsus versiyasini yuklab olishi mumkin.
Izoh (0)