Avstriya yadro quroli fojiali gumanitar oqibatlarni keltirib chiqarishini inobatga olib, uni taqiqlashga da’vat etdi. Bu haqda Avstriya tashqi ishlar vaziri Sebastyan Kurs Yadro qurolini tarqatmaslik to‘g‘risidagi shartnoma (YaQTSh) anjumanida gapirar ekan, ushbu tashabbusni 159 ta davlat qo‘llab-quvvatlashini ta’kidlab o‘tdi, deb yozadi “Korrespondent.net”.
“Yadro quroli boshqa hech qachon ishlatilmasligini kafolatlashning yagona usuli — uni to‘liq yo‘q qilish”, — dedi Kurs.
Tashabbusni YaQTShga a’zo mamlakatlarning 159 tasi qo‘llab-quvvatlasa-da, u yadro davlatlari va Xavfsizlik kengashining veto huquqiga ega a’zolari — AQSh, Britaniya, Fransiya, Rossiya va Xitoy tomonidan yoqlanmaydi.
Yadro quroliga ega ekanligi ehtimoli bo‘lgan davlatlar — Isroil, Pokiston, Hindiston va KXDR ham ushbu tashabbus tarafdorlari safiga kirmaydi.
Izoh (0)