Qozog‘istonlik taniqli xonanda, “A-Studio” guruhining sobiq solisti Batirxan Shukenov 52 yoshida vafot etdi. Bu haqda Kazakhstan Today xabar bermoqda.
Dastlabki ma’lumotlarga ko‘ra, xonanda infarktdan vafot etgan. Fojeaning boshqa tafsilotlari ma’lum emas.
Batirxan Shukenov Qozog‘istonda tug‘ilgan. Faoliyatini xonanda Roza Rimbayeva qo‘l ostida saksofonchi sifatida boshlagan.
1988-yildan do‘stlari bilan birga tashkil etilgan “A-Studio” guruhining solisti sifatida ko‘zga ko‘rinib, MDH miqyosida tanildi.
2000-yili yakkaxon faoliyatini olib borish maqsadida “A-Studio” guruhini tark etgan edi.
Izoh (0)