“O‘zkimyosanoat” davlat aksiyadorlik kompaniyasi 2015-yilda umumiy qiymati 2,1 milliard dollarlik loyihalarni amalga oshirishni boshlaydi, deb xabar bermoqda “RIA Novosti”.
Kompaniya dasturidan O‘zbekiston Prezidenti Islom Karimovning farmoni bilan tasdiqlangan kimyo sohasidagi mavjud ishlab chiqarish quvvatlarini modernizatsiya qilish va yangilarini qurish bo‘yicha 10 ta loyiha o‘rin olgan.
Loyihalarni moliyalashtirish 1,29 milliard dollar miqdoridagi xorijiy investitsiya va kreditlar, 486,2 million dollar miqdoridagi O‘zbekiston tiklanish va taraqqiyot jamg‘armasi kreditlari, 212 million dollar miqdoridagi “O‘zkimyosanoat”ning o‘z mablag‘lari va 83,7 million dollar miqdoridagi o‘zbek banklarining kreditlari evaziga amalga oshiriladi.
Jumladan, “Navoiyazot” aksiyadorlik jamiyatida azot kislotasi agregatlari rekonstruksiyasini, shuningdek ammiak va karbamid zavodi va polivinilxlorid chiqarish bo‘yicha kimyo majmuasi qurilishini boshlash, Angrenda shina zavodini qurish, Samarqandda murakkab mineral o‘g‘itlarni yillik ishlab chiqarishni o‘zlashtirish, “Farg‘onaAzot”ni modernizatsiya qilish ko‘zda tutilgan.
Izoh (0)