Nyu-Yorkda yashovchi Eypril Bruker ismli qiz o‘zini qo‘g‘irchoqlarga rashk qilgan qallig‘idan voz kechdi, deya xabar bermoqda The Daily Mirror.
Yigit sevgan qizining uyida 16 ta o‘yinchoq doimiy “yashashi”, qiz ularni o‘z farzandlari deb atashi va ular uchun alohida xona ajratganidan norozi bo‘lgan.
30 yoshli Eypril so‘zlariga ko‘ra, bir kuni yigit o‘zi va qo‘g‘irchoqlaridan birini tanlashni so‘ragan. Qiz dastlab o‘z xobbisidan voz kechishga rozi bo‘lgan, biroq oradan sakkiz oy o‘tib, qallig‘i bilan munosabatlariga nuqta qo‘ygan va o‘yinchoqlariga qaytgan.
Bruker o‘z qarorini hayotini qo‘g‘irchoqlarsiz tasavvur eta olmasligi bilan izohladi.
Izoh (0)