Hindiston elchixonasi Toshkent, Samarqand va Qo‘qonda “Namaste O‘zbekiston” festivalini tashkillashtiradi

Hindistonning O‘zbekistondagi elchixonasi Toshkent, Samarqand va Qo‘qon shaharlarida “Namaste O‘zbekiston” hind madaniyati festivalini tashkillashtiradi, deb xabar bermoqda “Gazeta.uz”.

Hind mumtoz musiqasi, an’anaviy va zamonaviy raqslar taqdim etiladigan festivalning musiqa va raqs tadbirlariga kirish bepul. Toshkentdagi tadbirlar uchun taklifnomalarni elchixonadan olish mumkin, Samarqand va Qo‘qon uchun esa joylardagi tashkilotchilar bilan bog‘lanish zarur.

Toshkentda 7-aprel kuni “Turkiston” saroyida va 9-aprel kuni Davlat konservatoriyasida, 5 va10-aprel kunlari Samarqand san’at kollejida, Qo‘qonda 8-aprel kuni Hamza nomidagi teatrda tadbirlar tashkillashtiriladi.