Moskva va butun Rossiya Muqaddas Patriarxi Kirill Islom Karimovni O‘zbekiston Respublikasi Prezidenti lavozimiga qayta saylangani bilan tabrikladi, deya xabar bermoqda Moskva Patriarxati rasmiy sayti.
“Bo‘lib o‘tgan saylovlarda Sizning yurtdoshlaringiz tomonidan qo‘llab-quvvatlanganingiz ko‘p yillik mehnatlaringizning yuqori baholanishi, shuningdek kishilarda yaxshi hayot uchun yangi umid borligidan darak beradi”, — deyiladi tabrik maktubida.
Patriarx O‘zbekiston hukumati organlarining Rus pravoslaviye cherkovi Toshkent yeparxiyasi bilan hamkorligi davom etishiga umid bildirib qoldi.
Eslatib o‘tamiz, Markaziy saylov komissiyasi tomonidan e’lon qilingan O‘zbekiston Prezidenti saylovining dastlabki natijalariga binoan Islom Karimovga saylovchilarning 90,39 foizi ovoz bergani ma’lum bo‘ldi.
Izoh (0)