Pokistonda odam o‘ldirganlik uchun sudlangan to‘rt mahbus qatl etildi, deya xabar bermoqda “RIA Novosti”.

Mahbuslarning barchasi osish orqali Pokistonning Panjob va Sind provinsiyalaridagi turmalarda qatl qilindi. Avvalroq ularning apellyatsiyalari barcha instansiya sudlari tomonidan rad qilingan edi. Pokiston prezidenti ham ularni afv etishdan bosh tortdi.

Eslatib o‘tamiz, mart boshida Pokiston hukumati mamlakat hududida o‘lim jazosiga qo‘yilgan moratoriyni butunlay olib tashladi.

Moratoriy 2008-yilda joriy qilingan edi. 2014-yil dekabr oyida Peshovardagi maktabga uyushtirilgan terakt oqibatida 150 kishi, jumladan 134 bola halok bo‘lgach, Pokiston prezidenti Navoz Sharif moratoriyni faqat terrorchilarga nisbatan olib tashlagan edi.