“O‘zbekiston temir yo‘llari” DATYK va Afg‘oniston Jamoatchilik ishlari vazirligi Hayratondan Mozori Sharifgacha bo‘lgan 75 kilometrlik temir yo‘l liniyasidan foydalanish, xizmat ko‘rsatish va boshqarish bo‘yicha uch yillik shartnoma imzoladi, deya xabar bermoqda UzDaily.
Afg‘oniston Jamoatchilik ishlari vaziri Nur Gul Mangal ta’kidlashicha, Afg‘oniston shartnoma doirasida O‘zbekiston kompaniyasiga yiliga 19 million dollar to‘laydi. Shuningdek, kelishuv doirasida afg‘onistonlik tadbirkorlar o‘z mahsulotlarini eksport qilishi mumkin.
“O‘zbekiston temir yo‘llari” esa Afg‘oniston hukumatiga soliqlar to‘laydi va bir yilda 50 nafar Afg‘oniston fuqarosini o‘qitadi.
Izoh (0)