O‘zbekiston ayollar terma jamoasining birinchi raqamli bokschisi xalqaro turnirda mag‘lubiyatga uchradi

Shu kunlarda Bolgariya poytaxti Sofiya shahrida boks bo‘yicha an’anaviy tarzda o‘tkazib kelinayotgan “Stranja” xalqaro turniri davom etmoqda, deb xabar beradi “Olamsport.com”.

O‘z tarixida 66-bor tashkil etilgan mazkur xalqaro turnirda O‘zbekiston erkaklar terma jamoasi muvaffaqiyatli odimlayapti. O‘zbekiston ayollar terma jamoasiga esa tajriba yetishmayapti.

51 kilogramm vazn toifasida ringga chiqqan O‘zbekiston terma jamoasining birinchi raqamli bokschisi Muborak Kamolova bolgariyalik Stoyka Petrovaga 0:3 (36:40, 32:40, 35:40) hisobida imkoniyatni boy berib, musobaqadagi ishtirokini yakunladi.