Rossiya Bashar Asadni qo‘llab-quvvatlashni to‘xtatsa, Saudiya Arabistoni neft qazib chiqarishni kamaytirishga tayyor

Saudiya Arabistoni rahbariyati iqtisodiy vositalardan foydalangan holda Rossiya tomonidan Suriya prezidenti Bashar Asad qo‘llab-quvvatlanishini to‘xtatishga erishmoqchi, deb xabar bermoqda “Gazeta.ru”.

The New York Times gazetasining yozishicha, Moskva Suriya bo‘yicha pozitsiyasini o‘zgartirgan taqdirda Ar-Riyod neft qazib chiqarish hajmini kamaytirishga tayyor, bu esa o‘z navbatida “qora oltin” narxining ko‘tarilishiga olib keladi.

Nashrning qayd etishicha, bu masalada Rossiya va Saudiya Arabistoni o‘rtasidagi maxfiy muzokaralar bir necha oydan buyon davom etmoqda, biroq hozircha bu borada biror natijaga erishilmagan.

Shu bilan birga, Saudiya Arabistonining yuqori lavozimlardagi amaldorlari Rossiyaning pozitsiyasiga ta’sir o‘tkazish vositalariga egaligiga AQShni ishontirishga urinmoqda. Yaqin Sharqda neft qazib chiqarish hajmining kamayishi neft narxining pasayishiga ham olib kelishi tayin, bu esa Rossiya iqtisodiyoti uchun o‘ta muhim.