Janubiy Koreyaning Samsung kompaniyasi Galaxy S6 yangi flagmani smartfoni namoyish etiladigan Galaxy Unpacked 2015 taqdimoti sanasini e’lon qildi, deb yozadi “Mail.ru”.
Tadbir 1-mart kuni — Barselonadagi MWC 2015 ko‘rgazmasidan bir kun oldinga belgilangan. O‘sha kuni esa HTC, Huawei va boshqa qator kompaniyalar o‘z yangi qurilmalarini namoyish etadi.
Eslatib o‘tamiz, Samsung Galaxy S6 5,1 dyuymli Quad HD (577 dpi) displeyi, 20 megapikselli asosiy va 5 megapikselli old kameraga ega bo‘ldi. Ichki xotira hajmi 32, 64 va 128 gigabaytni tashkil etadi. Bundan tashqari, qurilmada tezkor quvvat olish funksiyasi bo‘lib, u 10 daqiqa ichida smartfonga to‘rt soatlik “hayot” qo‘shib beradi.
Yangi flagman smartfonida Samsung Amerikaning Qualcomm kompaniyasi chiqaradigan Snapdragon protsessorlaridan voz kechadi, buning o‘rniga o‘zi ishlab chiqayotgan Exynos chiplaridan foydalanadi.
Izoh (0)