Hindistonda A/H1N1pdm grippi (cho‘chqa grippi) virusi shiddat bilan tarqalmoqda, deya xabar berdi “TASS” mamlakat sog‘liqni saqlash vazirligiga tayanib. Yil boshidan buyon mamlakatda ushbu virus tufayli 140 ta o‘lim hodisasi qayd etilgan, kasallanganlar soni esa mingdan oshadi.
Butun 2014-yil davomida esa 218 nafar hindistonlik cho‘chqa grippidan o‘lgan, jami kasallanganlar 937 kishini tashkil etgan.
Mahalliy hokimiyatlar markaziy hukumatga murojaat qilib, virus tarqalishi oldini olish bo‘yicha shoshilinch choralar ko‘rishni so‘ramoqda.