O‘zbek-yapon markazi bolalar o‘rtasida rasmlar tanlovi boshlanganini e’lon qildi

Toshkentdagi O‘zbek-yapon markazi bolalar o‘rtasida rasmlar tanlovi boshlanganini ma’lum qildi, deb yozadi “Anons.uz”.

Markaz ma’lumotlariga ko‘ra, tanlovda 6 yoshdan 14 yoshgacha bo‘lgan bolalar ishtirok etishi mumkin. Yoshi bo‘yicha ishtirokchilar 3 guruhga bo‘linadi: 6—8, 9—11 va 12—14 yoshlilar. G‘olibni aniqlash hay’at a’zolari tomonidan ovoz berish yo‘li orqali amalga oshiriladi.

Faxriy yorliq va mukofotlar topshirilgandan so‘ng, barcha ishtirokchilar yapon milliy o‘yinlarida ishtirok etishi mumkin. Bundan tashqari, g‘oliblarning ishlari O‘zbek-yapon markazi zalida 5-fevraldan 20-fevralgacha namoyish etiladi.

Tanlov ishlari 2015-yil 30-yanvarga qadar qabul qilinadi. Natijalar esa 4-fevralda ma’lum qilinadi.