Osiyo Kubogi — 2015 chorak finalida Janubiy Koreya qizil, O‘zbekiston oq liboslarda o‘ynaydi

Osiyo Kubogi — 2015 chorak finalida o‘zaro bahs olib boradigan Janubiy Koreya hamda O‘zbekiston terma jamoalari o‘rtasidagi uchrashuvda jamoalar qanday liboslarda maydonga tushishi tasdiqlandi, deb xabar beradi “Stadion.uz”.

Unga ko‘ra, ushbu uchrashuvda rasman mezbon sanalgan Janubiy Koreya qizil rangli lisobda maydonda harakat qiladi. O‘zbekiston terma jamoasi esa asosiy rang hisoblangan oq liboslarda maydonga tushadi.

Eslatib o‘tamiz, Janubiy Koreya hamda O‘zbekiston terma jamoalari o‘rtasidagi Osiyo Kubogi chorak final o‘yini 22-yanvar kuni Melburndagi Rectangular stadionida bo‘lib o‘tadi. Uchrashuv Toshkent vaqti bilan soat 12:30 da boshlanadi.