Osiyo kubogining “C” guruhida 3-tur o‘yinlari yakuniga yetdi. Avvalgi ikkita o‘yinda g‘alaba qozongan Eron va BAA terma jamoalari so‘nggi turda guruh g‘olibligi uchun bahs olib bordi, deb xabar bermoqda “Stadion.uz”.
Guruhda ikkinchi o‘rinni egallagan terma jamoani chorak finalda katta ehtimol bilan Yaponiya kutardi.
Yaxshi to‘plar nisbatiga ega bo‘lgan BAA terma jamoasini durang natija ham qanoatlantirardi. O‘yin ancha shiddatli o‘tdi. Har ikkala jamoada golli vaziyatlar yuzaga keldi, ammo to‘p darvoza chizig‘ini kesib o‘tmadi. O‘yin so‘ngiga borib, Mahdi Ali shogirdlari e’tiborni himoyaga qaratdi. Keyrushning o‘yinchi almashtirishi esa o‘z samarasini berdi. Rizo Quchannajod kompensatsiya vaqtida bosh bilan BAA darvozasini ishg‘ol qilib, jamoasiga g‘alabani taqdim etdi.
Eron o‘z guruhida 1-o‘rinni egalladi. Endi forslar chorak finalda “D” guruhida 2-o‘rinni egallagan jamoa bilan maydonga chiqadi. “С” guruhida 3-o‘rinni Bahrayn egalladi. Bahrayn bugun Qatarni 2:1 hisobida mag‘lub etdi.
Osiyo kubogi — 2015, “С” guruhi, 3-tur
Eron — BAA: 1:0
- Gol: Rizo Quchannajod (90+1)
- Eron: Alirizo Haqiqiy, Xusrav Haydariy, Jalol Hussayniy, Javod Nekunam, Murtazo Puraliganjiy, Vohid Amiriy, Andranik Teymuryan, Sorush Rafeiy, Alirizo Jahonbaxsh, Sardor Azmun, Mehrdod Po‘ladiy.
- BAA: Majid Nosir, Volid Abbos, Habib Al Fardan, Amir Adurrahmon, Mahammad Salim, Ali Ahmad Mabxut, Umar Abdurrahmon, Ahmad Halil, Hamis Ismoil, Abdulaziz Sanqur, Muhammad Ahmad G‘arib.
- Gollar: Al-Haydos (69) — Sayid Shubbar (34), Ja’far (82)
- Qatar: Burhon, Budiaf, Majid, Ali, Xuxiy, Assadalla, Xatem, Kangambu, Muntariy, Hasan Xolid, Mufta.
- Bahrayn: Ad-Dosariy, Muhammad, Al-Xutiy, Al-Xazaa, Aaysh, As-Safiy, Umar, Ahmad, Said, Al-Malud, Okvunvanne.
Izoh (0)