UTG-Kerui qo‘shma korxonasi O‘zbekistonda avtomobilni gaz bilan to‘ldirish kompressor stansiyalari tarmog‘ini quradi

UTG-Kerui O‘zbekiston-Xitoy qo‘shma korxonasi 2016-yil oxirigacha O‘zbekistonda avtomobilni gaz bilan to‘ldirish kompressor stansiyalari (AGTKS) tarmog‘ini qurishga 70 million dollar sarmoya kiritadi. Bu haqda “Gazeta.uz” xabar berdi.

AGTKS qurilish ishlari respublikadagi beshta viloyatda allaqachon boshlanib ketgan, QK mamlakatning barcha hududlarida jami 46 ta AGTKS qurishni rejalashtirgan.

UTG-Kerui 2014-yilda “O‘zbekneftgaz” Milliy xolding kompaniyasi tuzilmasiga kiradigan “Avtogazta’minot” shu’ba korxonasi va Xitoyning Shandong Kerui Petrolium Equipment kompaniyasi tomonidan teng huquqlilik asosida tuzilgan.