Iroq Iordaniya ustidan kichik hisobda g‘alaba qozondi
Iroq va Iordaniya terma jamoalari o‘rtasidagi uchrashuv bilan OK-2015 1-tur bahslari yakuniga yetdi, deb xabar bermoqda “Stadion.uz”.
Uchrashuvning birinchi bo‘limida hisob ochilmagan bo‘lsa, ikkinchi bo‘limning 77-daqiqasida Qosim Yosir tomonidan kiritilgan yagona gol Iroq terma jamoasiga uchrashuvda g‘alaba keltirdi.
Ta’kidlash joiz, Osiyo Kubogi-2015 1-turidan o‘rin olgan uchrashuvlarning hech birida durang natija qayd etilmadi. O‘yinlarning barchasi tomonlardan birining g‘alabasi bilan yakunlandi.
Ushbu guruhning ilk uchrashuvida Falastinni yirik hisobda mag‘lub etgan Yaponiya terma jamoasi peshqadab bo‘lib turibdi. Iroq terma jamoasi ham ushbu g‘alabadan so‘ng o‘z hisobiga uch ochko yozib qo‘ydi.
Eslatib o‘tamiz, ertaga “A” guruhidan o‘rin olgan ikki uchrashuv bilan Osiyo Kubogi bahslarining 2-turiga start beriladi.
Osiyo kubogi, “D” guruhi
Iordaniya -Iroq 0:1 (0:0)
Gol: Yasir Qosim (77)
Iordaniya - Shofe’, Vani Yosin, Zahran, Elias, Ali, Al Dumayriy, Ziyod, Baniatea, Israivah, Al Sayfiy, Xayel Ibrohim
Iroq - Hassan Hachim, Shokir, Ibrohim Xalaf, Durg‘am, Abdulamir, Qosim, Kalaf, Tariq, Salim, Abdul-Zahra, Mahmud.
