O‘zbekiston Respublikasi Markaziy saylov komissiyasining navbatdagi majlisi bo‘lib o‘tdi, deya xabar bermoqda Komissiya matbuot xizmati. Uni Komissiya raisi M.Abdusalomov boshqardi.
Majlisda O‘zbekiston Respublikasi Oliy Majlisi Qonunchilik palatasining birinchi majlisini chaqirish to‘g‘risidagi masala ko‘rib chiqildi.
O‘zbekiston Respublikasi Konstitutsiyasining 81-moddasi, “O‘zbekiston Respublikasi Oliy Majlisining Qonunchilik palatasi to‘g‘risida”gi Konstitutsiyaviy qonun va “O‘zbekiston Respublikasi Markaziy saylov komissiyasi to‘g‘risida”gi Qonunning 5-moddasiga muvofiq O‘zbekiston Respublikasi Oliy Majlisi Qonunchilik palatasining birinchi majlisi Markaziy saylov komissiyasi tomonidan chaqiriladi.
Markaziy saylov komissiyasi parlament quyi palatasining birinchi majlisini 12-yanvar kuni Toshkent shahrida chaqirish va uning kun tartibiga tashkiliy masalalarni kiritish to‘g‘risida qaror qabul qildi.
O‘zbekiston Respublikasi Oliy Majlisi Qonunchilik palatasining birinchi majlisi 12-yanvar kuni soat 10:00 da Toshkent shahrida O‘zbekiston Respublikasi Oliy Majlisi Qonunchilik palatasi binosida ochiladi.
O‘zbekiston Respublikasi Oliy Majlisi Qonunchilik palatasi majlisiga kelgan deputatlar 10-yanvar kuni soat 9:00 dan 18:00 ga qadar O‘zbekiston Respublikasi Oliy Majlisi Qonunchilik palatasi binosida ro‘yxatga olinadi.
Izoh (0)