Seld balig‘i bilan bayramona “Shuba” salatini tayyorlaymiz
Bugungi taomnomada — seld balig‘i qo‘shilgan “Shuba” salati
Zarur masalliqlar:
- 1 ta tuzlangan seld balig‘i (taxminan 700 g)
- 200 g kartoshka
- 200 g qizil lavlagi
- 200 g qizil sabzi
- 4 ta tuxum
- 100 g piyoz
- 200 g mayonez
- tuz
- murch
Tayyorlanishi:
1. 200 grammdan kartoshka, qizil lavlagi, qizil sabzi va 4 ta tuxumni yaxshilab yuvib, po‘sti bilan qaynatib pishirib olamiz. So‘ng ularni po‘stidan tozalaymiz.
2. Selyodkaning boshi va dumini olib tashlaymiz, qiltig‘idan tozalaymiz.
3. Sabzavot va tuxumlarni yirik tishli qirg‘ichdan o‘tkazib olamiz.
4. Baliqni mayda qilib to‘g‘raymiz.
5. Piyozni archib, uni ham maydalaymiz.
6. Likopcha olib, unga maxsus qolipni qo‘yamiz.
7. Qolipga masalliqlarni ustma-ust qo‘yib chiqamiz, har birining orasiga mayonez suramiz hamda ta’bga ko‘ra tuz va murch qo‘shamiz. Dastlab selyodkani bir qavat qilib solamiz.
8. Ustidan piyozni yoyib qo‘yamiz.
9. Navbatdagi qatlam sifatida kartoshkani joylaymiz.
10. Uning ustidan sabzini solamiz.
11. Ustidan tuxumni qo‘yamiz.
12. So‘ng qizil lavlagini solamiz.
13. Eng ustiga yana mayonez surib, qolipni olib tashlaymiz.
14. Salatni ta’bimizga qarab bezatamiz.
Salat tayyor. Yoqimli ishtaha!
Ushbu salatni tayyorlashda foydalanilgan mahsulotlarni Korzinka.uz supermarketlaridan xarid qilishingiz mumkin.
Ularning narxlari bilan quyidagi jadvalda tanishishingiz mumkin. Narxlar 8-dekabr holatiga keltirilgan.
Rukn homiysi — Korzinka.uz supermarketlar tarmog‘i.
Taomni tayyorlashda bergan ko‘magi uchun Toshkentdagi RomAntica restorani va shaxsan bosh oshpaz Shuhrat Islomovga minnatdorchilik bildiramiz.
Ruknimizning keyingi sonlarida tunets balig‘idan kranch-salat, olmali shtrudel va chizkeyk tayyorlaymiz hamda ular bilan Yangi yil dasturxonini bezatamiz.
