Internetning Xitoy segmentida Xenan provinsiyasida yashovchi to‘qqiz yoshli Nyu Szijuning Xitoy rahbari Si Szinpinga Mars sayyorasiga missiya jo‘natishni va Vladimir Putinga o‘xshashni maslahat bergani yozilgan maktub ommalashib bormoqda, deb xabar berdi The South China Morning Post.
To‘rtinchi sinf o‘quvchisi ushbu maktubni maktabdagi ijodiy dastur doirasida yozgan. Xat Si Szinpinga jo‘natilmagan bo‘lsa ham, bolaning otasi uni qiziq deb hisoblab internetga joylashtirgan. Shundan keyin u Xitoyning “Veybo” ijtimoiy tarmog‘ida tezda tarqalib ketgan.
“Si amaki, AQSh va Rossiya, hattoki Yevropa Ittifoqi va Hindiston Marsga missiya tayyorlamoqda, biz ham shoshilaylik. Si amaki, biroz vazn tashlasangiz bo‘lardi. Siz Obama kabi juda ozg‘in ko‘rinmasligingiz kerak. Putinga o‘xshasangiz − ayni muddao”, − deb yozgan Sziju.
Bolaning maktubini bir nechta gazetalar va hattoki “Sinxua” agentligi ham chop etgan. Biroq tez orada bu xabar barcha rasmiy nashrlardan olib tashlangan va faqat ijtimoiy tarmoqlarda qolgan.
Izoh (0)