“Arsenal” bosh murabbiyining “Monako” jamoasiga raqiblik qilish orzusi ushaldi

15-dekabr kuni Yevropa Chempionlar ligasi 1/8 finalida kuch sinashadigan juftliklar ma’lum bo‘ldi, deb xabar beradi “Uff.uz”.

Qur’a oldidan “Arsenal” bosh murabbiyi Arsen Venger “Monako” jamoasiga raqiblik qilishni istashini aytgan edi. Qiziq tomoni, murabbiy bu istagiga erishdi va pley-offda “Arsenal” “Monako” bilan kuch sinashadigan bo‘ldi.

Nimchorak finalning eng kuchli juftliklari sifatida esa, shubhasiz, “PSJ” — “Chelsi” va “Manchester Siti” — “Barselona”ni ko‘rsatish mumkin. Bu jamoalar o‘rtasida kechadigan kurash final oldidan final maqomiga tenglashtirilishi mumkin.

Shuningdek, “Shalke” — “Real”, “Bayer” — “Atletiko”, “Shaxtyor” — “Bavariya” va “Bazel” — “Portu” juftliklari ham muxlislar qiziqishiga sabab bo‘lishi turgan gap.

Eng muhimi shundaki, endi Chempionlar ligasida shunchaki kechadigan o‘yin bo‘lmaydi. Endi hamma bir-biriga qarshi so‘nggi kuchi qolgunga qadar kurashadi.

Qisqasi, “Yuventus” hujumchisi Karlos Teves ta’biri bilan aytganda, bu yog‘iga endi haqiqiy Chempionlar ligasi boshlanadi.

1/8 final juftliklari:

• “PSJ” — “Chelsi”
• “Manchester Siti” — “Barselona”
• “Bayer” — “Atletiko”
• “Yuventus” — “Borussiya”
• “Shalke” — “Real”
• “Shaxtyor” — “Bavariya"
• “Arsenal” — “Monako”
• “Bazel” — “Portu”