O‘zbekiston terma jamoasi himoyachisi Islom To‘xtaxo‘jayev to‘rtta uchrashuvga chetlatildi

Osiyo Futbol Konferedatsiyasi Tartib-intizom Qo‘mitasi O‘zbekiston milliy terma jamoasi himoyachisi Islom To‘xtaxo‘jayevni to‘rtta uchrashuvga chetlatdi. Bu haqda O‘zbekiston Futbol Federatsiyasi xabar bermoqda.

O‘zbekiston terma jamoasi himoyachisi Incheon shahrida o‘tkazilgan Osiyo o‘yinlari 1/8 finalida Saudiya Arabistoniga qarshi uchrashuvdan so‘ng hakam tomonidan maydondan chetlatilgan.

OFK Tartib-Intizom qo‘mitasi mazkur vaziyatni ko‘rib chiqdi va To‘xtaxo‘jayevni to‘rtta o‘yinga chetlatdi. Ta’kidlash lozim, mazkur diskvalifikatsiya nafaqat rasmiy, balki norasmiy o‘yinlar va o‘rtoqlik uchrashuvlariga ham ta’sir qiladi. O‘zbekiston milliy terma jamoasi himoyachisi Osiyo Kubogi bahslarigacha to‘rtta o‘rtoqlik uchrashuvi yoki norasmiy turnirlarda terma jamoa qaydnomasiga ham kiritilmaydi.

Eslatib o‘tamiz, Islom To‘xtaxo‘jayev BAA terma jamoasiga qarshi bo‘lib o‘tgan OK — 2015 saralash so‘nggi turida maydondan chetlatilgani bois OK — 2015 guruh bosqichi 1-turini o‘tkazib yuboradi.