KXDR hukumati Janubiy Koreyaning chegaradosh hududga Rojdestvo archasini o‘rnatish borasidagi niyatida psixologik urush unsurlarini aniqladi. Shu bois Shimoliy Koreya vakillari daraxtni portlatish uchun artilleriya ishlatishga va’da berdi, deb xabar beradi The Wall Street Journal.
Janubiy Koreyaning KXDR bilan chegaradosh hududga bayram archasini o‘rnatish to‘g‘risidagi mazkur qarori 2-dekabr kuni ma’lum bo‘lgan edi. Seul chegaraga archani 23-dekabr kuni o‘rnatishni rejalashtirmoqda.
Avvalroq, oktabr oyida Koreya Respublikasi Shimol va Janub munosabatlarida ziddiyatga sabab bo‘lgan, minora shaklida turgan 43 archani qismlarga ajratib olib tashlashga majbur bo‘lgan edi. KXDR hukumati archalarning o‘rnatilishini harbiy targ‘ibot sifatida ko‘rgan edi. Qayd etilishicha, chegaradan taxminan uch kilometr uzoqlikka o‘rnatilgan bayram minorasi Shimoliy Koreyadagi ayrim shaharlar aholisiga ham ko‘rinib turgan.
Izoh (0)