HTC kompaniyasi yangi Desire 620 smartfonini rasman taqdim etdi

HTC kompaniyasi Desire 620 deb nomlangan yangi smartfonini taqdim etdi. Bu haqda Phonearena.com sayti xabar berdi, deb yozadi “Parol” nashri.

Ushbu smartfonlar protsessorlariga qarab ikki xil nom bilan nomlangan. Birinchisi Desire 620 smartfoni, unda 1,2 GGs chastotaga ega 64 bit, to‘rt yadroli Snapdragon 410 protsessori o‘rnatilgan. U LTE modulida ishlay oladi. Ikkinchisi esa Desire 620G smartfoni, unda 1,3 GGs chastotaga ega sakkiz yadroli MediaTek 6592 protsessori o‘rnatilgan.

Smartfon modellarining boshqa texnik xususiyatlari bir xil, ularda 5 dyuym 720×1280 pikselli displey, 5 megapikselli old va 8 megapikselli orqa kamera, 1 Gb tezkor va 8 Gb ichki xotira (+MicroSD), Android KitKat operatsion tizimi o‘rnatilgan. U ikki SIM-kartada ishlay oladi.

Tayvanda Desire 620 smartfoni dekabr boshidan 225 dollar, Desire 620G smartfoni esa dekabrning ikkinchi yarmidan 160 dollar narxda sotila boshlanishi kutilmoqda.

Shuningdek, “Parol” nashrida quyidagi maqolalarni ham o‘qishingiz mumkin:

• O‘n ikkita foydali sayt;
• Uznetda Google Play’ning Tas-IX tarmog‘idan o‘rin egallagan uchta nusxasi topildi.